ஒரு விபத்து நடந்துகொண்டிருக்கிறது
இப்போதுதான் சற்று முன்பு
ஒரு பள்ளிக்கூடம் தீப்பற்றிக்கொண்டது
தீ சூழ்ந்திருக்கிறது
குழந்தைகள் கருகுகிறார்கள்
வாசல் அடைப்பட்டிருக்கிறது
சரி என்ன செய்துகொண்டிருக்கிறார்கள் எல்லாம்
ஆசிரியர்கள் தப்பியோடுகிறார்கள் வேகமாக
பெற்றோர் அலறி வருகிறார்கள் வேகமாக
ஊடகங்கள் செய்தி பரப்புகின்றன வேகமாக
பிரதமர் இரங்கல் தெரிவிக்கிறார் வேகமாக
அதிகாரிகள் காரணம் ஆராய்கிறார்கள் வேகமாக
அரசியல்வாதிகள் அரசியல் நடத்துகிறார்கள் வேகமாக
மதகுருமார்கள் தெய்வக்குற்றம் காண்கிறார்கள் வேகமாக
மக்கள் பரபரப்பாகிறார்கள் வேகமாக
நான் கவிதை எழுதுகிறேன் வேகமாக
நீங்கள் கவிதை படிக்கிறீர்கள் வேகமாக